Dálle que dálle na escola de Lago- setembro 2013

Actividades voluntarias

fora do horario escolar

Enlace co blogue da escola en horario lectivo:

http://escoladelagocraesquio.blogspot.com.es/

De Novo na Escola

e como sempre empezamos o curso con saídas 

en familia!!!

Resumo desta entrada:

1- visita a faro de Punta Candieira, garita de Herbeira... día 11

2- visita ao lago artificial de As Pontes, día 18

........

1- O faro de Punta Candieira, Cedeira

Houbo que baixar moito`para chegar ó faro!!!

E logo toca subir... pero nós en coches!

Antes de ter 20 anos, Sabela veu varias veces a pé a este faro, desde Cedeira, e unha vez incluso acampou eiquí unha noite de verán!!!

Ela di que foi fantástico!

Para subir á terraza alta do faro hai que pasar polo centro da casa do fareiro, Miguel, e enriba hai que pasar por unha miniporta... moi agachados... Miguel contounos que este faro dá grupos de 3 y 1 destellos brancos e en Internet vimos que alcanzan 30 millas. Tivemos que subir só en grupos de 5...

Herbeira 

 o vento...

 En Santo André todo era calma...

Invitada especial: Lena

 2- O lago artificial de As Pontes, día 18. Foi feito sobre unha mina de lignito (carbón). Era a mina, a ceo aberto, máis grande de España. O carbón extraíase para a central térmica,

 productora de electricidade, de ENDESA.

sen rematar: 

a cheminea alta... dimensións... contaminación

fotos de Internet: 

As Pontes de García Rodríguez:

"...No ano 1267 atópase o primeiro texto que constata a existencia do "Concejo das Pontes". En 1376, Henrique II de Castela concedeulle o señorío da Vila das Pontes ao cabaleiro García Rodríguez de Valcárcel por rescatalo da prisión na que se atopaba trala batalla de Nájera.

Por quantas lealtanzas de fianza fallamos en vos... e por quanto afán y trabajo y pérdidas oviste tomado por nós... facemos vos donación pura y perpetua... del lugar de las Puentes de Hume

A súa liñaxe extinguiuse nuns 100 anos, pasando a pertencer o señorío á casa de Lemos. Porén, deixou pegada nas numerosas pontes que mandou construír no río Eume, destacando entre elas a ponte dos Ferros tamén coñecida como ponte vella.^[3]..

 A cheminea alta éo máis ca torre Eiffel, de París, 33 m máis ca torre parisina, incluida a antena.

fotos nosas:

Contáronnos que o lago ten unha superficie como 2 cidades de Ferrol, ou 1 de Coruña... 

Tamén hai paneis explicando en galego e castelán.

A auga circula, ven algunha do Eume, de torrentes da zona que antes asulagaban a mina (para traballar tiñan que achicala) e da choiva. Como lle puxeron unha capa de arcilla natural, cubrindo a mina, ten o fondo impermeable pero ten unha saída outra vez ó Eume.

A súa temperatura...

parece ter ondas...

Viñeron uns amigos dos pais de Mateo S. que son das Pontes e tamén nos contaron cousas...

Nesta saída acompañounos tamén María, a profe de música, quen a atopa nas fotos? Case non se recoñece!!!!! A merenda con tertulia incluida...

 O sábado 21, Yasmín subeu en globo, en Cuntis. Tróuxonos fotos porque na escola, no antroido de hai varios anos, fixemos a comparsa de pilotos de globos aereoestáticos na nosa escola

e tería sido estupendo poder subir todos nós...  

Dálle que dálle na escola de Lago- Xuño 2013

Actividades voluntarias 

fora do horario escolar

Enlace co blogue da escola en horario lectivo:

http://escoladelagocraesquio.blogspot.com.es/

Resumo desta entrada:

1- tarde do día 6, teares de Alberto

2- limpeza da praia de Lago e papavento- día 13

3- radio do día 17

4- Festival de fin de curso, o día 21 pola tarde

5- enlace con video de Beas de Granada

.......................

1- O xoves día 6, pola tarde fomos ver como tece Alberto nos teares, pero antes explicounos que se necesita para tecer e o que se facía noutros tempos para preparar os fios de la e liño.

Todas e todos probamos a poñer la na canela 

 Vimos como se tece no tear e os pasos seriados que hai que dar

Despois probou Patri, que sempre está disposta a aprendelo todo...

 Mónica foi a casa, a buscar o tear de Yasmín e colchas de diferentes tecidos para mostrarllo todo a Alberto

Despois dímoslle os agasallos que se fixeran para el o curso pasado (unha vela de cera de abella, un perfumador de lavanda e un colgante da Paz de gres)

e deixámoslle planta e sementes que nos quedaron do curso pasado

para que as poida usar cando explique a outra xente 

porque a xente non soe coñecer o que é o liño....

Gracias a persoas apaixoadas por estas cousas, e superxenerosas en tempo e esforzo,  como Alberto, os demais podemos ter idea de moitas cousas moi interesantes, 
que sen eles non poderíamos nin imaxinar.

Graciñas infinitas Alberto!!!!

 2- Limpeza da praia o día 13 pola tarde.

O día 12 fixemos folga e o 13 pola tarde recuperamos esa actividade

do proxecto Voz Natura.

Avisamos ó concello que foran recollelo. O día 14 ían limpar na zona de Valdoviño os de Atios.

 Tamén aproveitamos a voar o papaventos que nos agasallaran por

 participar na Semá da Ciencia nº I

Fixémolo coa guía e axuda de  Martín e Lorena

que teñen experiencia de voalos

Graciñas os dous!!!

e esta vez si había vento, eh!!!

3- O día da 17 veu de invitada ó noso programa de radio Marcela, a nosa querida e amable repartidora do pan desde hai anos, 

e tamén veu a avoa Chelo para falar dos seus recordos 

dos emigrantes a América.

http://www.ivoox.com/dalle-dalle-nas-ondas-n-26-audios-mp3_rf_2149696_1.html

Como Marcela  naceu en Arxentina (e quen o diría, o tema da Arxentina saleu por un dos poemas en galego de García Lorca) pois pensamos rapidamente nela para invitada especial do tema.

A bisavoa Madalena mandou para Sabela 2 paquetiños que Sabela, como sempre, pasou á escola e de acordo con Madalena, pasaron a avoas que participaron na radio: o pano entregámosllo a Chelo e os bombóns mandámosllos con todo o agarimo a Elvira.

Para Marcela os nenos e nenas fixeron un dos broches de bonequiñas que fixemos este ano e que se lle entregou cando soupemos que non podía ir ó festival, que era onde pensábamos darllo.

4- Festival de Fin de Curso o día 21 ás 7 da tarde

primeiro cantaron Mi Buenos Aires Querido

despois o tango da escola instrumentado por Miguel

Logo viñeron un grupo de danzas

 Despois lle tocou o turno á obriña de teatro sobre os Dogon,

 relacionada  tamén coa historia do conto viaxeiro deste curso

e aproveitando os traxes e carautas 

feitas para a comparsa de Antroido

Un pequeno refrixerio e a despedida de Mariluz, profe de inglés,

que tivo o detalle de vir ó festival e a despedirse.

Moita sorte Mariluz!!!! Botarémosche en falla, sobre todo a titora!!!

Con isto vai a despedida 

Bon Verán a todas e todos!!!!

 

5- Enlace co Vídeo do colexio de Beas de Granada, con quen nos escribimos neste curso e onde aparecen imaxes de fotos e traballos dos que enviamos nós, que anque non están sinalados

nós ben os recoñecemos .

http://www.youtube.com/watch?v=jbQ2Z1V0C_0

Dálle que dálle na escola de Lago- MAIO 2013

Actividades voluntarias 

fora do horario escolar

Enlace co blogue da escola en horario lectivo:

http://escoladelagocraesquio.blogspot.com.es/

Resumo desta entrada:

1- tarde do día 2

2- a tarde do día 9 correspondía ó día de folga

3- programa de radio especial, dedicado á bisavoa Madalena

4- varios xoves non houbo extrescolar

5- o programa de radio das Letras Galegas

...................

1- tarde do día 2, algunhas remataron  as cousas pendentes

2- o día 9 foi día de folga do ensino.

3- O día 13 fixemos o programa de radio dedicado á bisavoa Madalena Villar Freire subtitulado "Avatares dunha vida"

Durou moito, máis de 3h e media. Parte xa estaba gravado, polo que ó escoitarse Madalena emocionouse en moitos momentos

 e os demais tamén nos emocionamos, anque tamén nos rimos 

con algunhas das súas aventuras.

Pensábamos empezar ás 16h pero por problemas de saúde de Candela, Patricia chegou tarde... e sen ela non se pode facer o programa...

Logo, cos apuros, non atinaba a que gravara e tivemos que chamar a Cholo!!! El tivo que vir para sacarnos do apuro, como sempre. Graciñas Cholo!!! 

E moitos bicos e anos de vida, así de ben conservada, pois con 89 anos parece de 70, como moito, e cunha memoria e unha expresión realmente envidiables...

A franqueza con que conta a súa dificil e interesante vida

merece o maior respeto e agarimo.

4- o día 16, víspera das Letras Galegas é día non Lectivo.

O día 23 e o día 30, pola tarde, non houbo extraescolar porque Sabela tivo que traballar na biblioteca da aula.

5- día 27 foi o programa da radio, dedicado ás Letras Galegas

algunha nai luce o broche que lle fixo a filla polo día da nai....

Dálle que dálle na escola de Lago- ABRIL 2013

Actividades voluntarias 

fora do horario escolar

Enlace co blogue da escola en horario lectivo:

http://escoladelagocraesquio.blogspot.com.es/

Resumo desta entrada:

1- tarde do día 4

2- tarde do día 11

3- día 15 programa especial de radio dedicado ó colexio 

e museo etnográfioc da Capela

4- tarde do día 18

5- tarde do dia 25

6- programa de radio do día 29

1- tarde do día 4

teares de trapos, costura, pintura...

Laura rematou a súa boneca de cociña 

que é para gardalos mistos

2- Tarde do día 11

3- O día 15 fixemos o primeiro especial de "Dálle que dálle nas ondas" dedicado a unha experiencia educativa.

Viñeron Secundino García Mera e Xabier López García a falar das interesantísimas experiencias desde o CEIP Mosteiro de Caaveiro e do Museo etnográfico da Capela

4- na tarde do 18 veu Ana, a tía de Sara a ensinarnos a facer algo especial que veremos rematado o próximo xoves...

5- Na tarde do día 25 volveu Ana para rematar os broches e Sabela en agradecemento agasalloulle unha cerámica de gres feita hai tempo por ela, para que viran os nenos-as.

Moitas graciñas Ana!!!

6- programa de radio do día 29

Fixemos o programa normal da escola aínda que faltaron moitos por estar enfermos ou non poder ir... e  ademais esquecímonos de facer fotos polo que non temos nin unha dese día. Vaia despiste!!!!

Contamos cousas do feito no mes, e como foi o día do libro limos pequenos contos de tradición oral de Galicia e África.

De invitados viñeron David Bacorelle Veiga, ex-alumno, e Ramón, o seu pai, porque Ramón nos veu contar a súa interesante experiencia de ter invitado nos veráns de 4 anos a un neno refuxiado saharaui (partindo de 0 pois cando chegou o primeiro ano o neno tiña 6 anos e ademais de non coñeçerse, o neno só falaba hasania, nunca vira correr a auga, nin o mar, nin a paisaxe verde...) e da súa propia e impactante visita ós durísimos campamentos 

de refuxiados saharahuis en Arxelia.

Moitas gracias por todo o que nos contou!!!

Nunca podemos imaxinar en que condicións teñen que vivir moitas persoas en distintas partes do mundo se non imos coñecelo ou se non escoitamos ou vemos o que nos contan os que van.

Dálle que dálle na escola de Lago- Marzo 2013

Actividades voluntarias 

fora do horario escolar

Enlace co blogue da escola en horario lectivo:

http://escoladelagocraesquio.blogspot.com.es/

Resumo desta entrada:

1- tarde do día 7

2- tarde deo 14

3- a radio do día 18

4- tarde do 21

1- primeiro fixemos algo de teares

 Gabriel aproveitou a facer o seu caleidociclo apoiado pola súa nai... 

 As maiores adiantan nas coroas de pentágonos

 Como sempre, tamén fixemos xogos populares.

 2-dia 14 as maiores remataron  (falta foto dalgunha máis)

3- radio día 18, explicacións  dos aparatos pola mañá

 pola tarde, tivo que vir Cholo porque debera haber un apagón e a radio non ía...... Graciñas Cholo!!!!

4- a tarde do día 21

Dálle que dálle na escola de Lago- Febreiro_2013

Actividades voluntarias 
fora do horario escolar

Enlace co blogue da escola en horario lectivo:

http://escoladelagocraesquio.blogspot.com.es/

Resumo desta entrada:

1- tarde do día 14

2- tarde do 21

3- radio do día 25

4- contas dos ditos de Amadora

5- a tarde do día 28

.......................................

0- o día 7 traballamos para rematar o do antroido

1- fixemos 4 caleidociclos novos e carautas de prato reutilizado.

 Xeila e Antía D. e Laura e Paula remataron os seus caleidociclos.

2- tarde do día 21 

  caleidociclos de Yasmín e Candela

3- O día 25 fixemos o programa vixésimo segundo, ou sexa o nº 22,

de Dálle que dálle nas Ondas, en Radio Filispim.

Falamos algo da Paz, do antroido pero sobre todo da matanza do porco.

Sara e Rosa fixéronlle a Amadora unha gravación na Ponte de Neira, perto da Pobra de San Xulián, ou San Xiao, perto tamén de Sarria e ademais a avoa Elvira contou das súas experiencias de matanza na zona de Guitiriz e logo en Narón.

 4- O día 26, na clase, comprobamos as contas do dito que dixera Amadora na gravación:    
                        3 cochos,
                        6 touciños,
                      12 patas,
                        6 orellas
                     e 3 rabos,
                fan 30 ben contados...
Cada un dos de 1º e 2º de primaria fixérono en libretas e os de 5 anos en folla, coma nos exemplos que puxemos na foto.
Tamén  contou:        Nin que mo contes, nin que mo digas,
                                 de cada cocho saen 14 morcillas...

E fixemos a conta para saber os anos que ten:

O día 28 pola tarde, entre outras cousas alguns  

empezaron os teares de farrapos: 1º a urdime e logo a tecer.... houbo xogos cos carozos das espigas de maínzo, Marta fixo un colar en serie...